طرائف

واحد مزاجى عندو موبايل تلاتين عشرة جدعو في الكوشة لما سألوهو ليه؟ قال ليهم عاوزو ينقلب إلى شيطان.
* واحد بلدياتنا ضرب تلفون لموظفة استعلامات جديدة في سودانير سألها كم المسافة بين السودان والسعودية عاوزة تسأل زميلتها قالت ليهو دقيقة. قال ليها شكراً وقفل السماعة.
• قرد شاف نفسه في المرايا قال: الله لا يبلانا..
* بت بلدياتنا خطيبها رسل ليها خطاب عاطفي وبين كل فقرة والثانية كتب ليها آه.. آه.. ردت ليهو: كلامك حلو لكن واحد وخمسين دي ماعرفتها؟ مصاريف ولا شنو؟
•
* بلدياتنا شين راكب حمار شاف بت رباطابية حلوة شديد قال ليها: أول مرة اشوف رباطابية حلوه كده.. قالت ليهو: اول مرة اشوف حمار طابقين..
•
* رباطابي دخل المستشفى سألوه: زيارة؟ رد: لا عمره.
* حنكوشة بتحب زميلها بلدياتنا في عيد الحب اهدت ليهو ببغاء تاني يوم سألتو.. بالله رأيك شنو في الببغاء؟ قال ليها: طعموا جداد جداد.
مسطول بيعمل تجربه فى ضبانه مسكا وقال ليها طيرى طارت .قطع ليها جناحينا قال ليها طيرى ما طارت كتب ؟؟واثبتت التجارب ان الذبابه لمن تقطع جناحيها تفقد السمع
.......................................
مسطول شديد مشى سلاح المظلات .. قال ليهم داير أعمل مظلة للمرحوم الوالد و كده
شايقي قال لابوه : ابوي عايز اكمل دراستي بره . .
ابوه قال ليهو مافي مشكلة خلي امك تفرش ليك السرير في الحوش بس اوعى البرد ما يطقك

واحـــد مســــطول واقف شمــاعه في بص ماسك في الحديده بيد واليد التاني
ماســـــك بيهو السجـــــــاره ..
جاهو الكمســــــاري يخلص منو قال ليه ارح ادينا ياخينا ؟
المسطـــــول قاليهو اديك كيف ماشايفني ماسك بيدي الاتنين
قاليهو الكمســاري خــلاص جيب امسـك ليك السجــــــاره ؟
قاليهـــــو ليييييييييييه ما تمسك الشماعه .

هههههههه
تسلم محمد على الابتسامه التي رسمتها على أفواهنا

شكرا السليماني وودالسليمانية ومكي على المرور اما هلولة فقد زادت الموضوع بهجة باضافتها

طرائف رائعة جدااا مشكور عليها شديد نتمنى لك مزيدااا من الابداعاااات

قالك في واحدة مرته شينة شنة شديدة قالت لزوجها شباك الحمام مكسور صلحه الناس بشوفوني قال ليه خليهم يشوفوك عشان يصلحوو على حسابهم


في واحد بيدلع في مرته قال ليها انت حمامه قالت ليه لا غزاله
قال ليها المهم حيوانه